ଅର୍ଥବ୍ୟବସ୍ଥା

ମାଲକାନଗିରି ଜିଲ୍ଲାର ଅର୍ଥନୈତିକ ଅବସ୍ଥା

ଗୋଟିଏ ଅଞ୍ଚଳର ଅର୍ଥନୈତିକ ଉନ୍ନତିକୁ ଜାଣିବାକୁ ହେଲେ, ସେହି ଅଞ୍ଚଳର ଯୋଜନାବଦ୍ଧ ଉନ୍ନତିର ପୁର୍ବ ଜ୍ଞାନର ସ୍ତର ଜାଣିବା ନିହାତି ଆବଶ୍ୟକ ଅଟେ । ସେହି ପରିପ୍ରେକ୍ଷୀରେ ଜିଲ୍ଲାର ଉନ୍ନତିର ସୂଚକାଙ୍କ ଜାଣିବାକୁ ହେଲେ ସେହି ଜିଲ୍ଲାର ସମସ୍ତ ଉତ୍ସରୁ ପ୍ରାପ୍ତ ସାମୟିକ ମୂଳ ଆକଳନ କରିବା (ଜିଲ୍ଲାର ଘରୋଇ ଉତ୍ପାଦ) ବହୁ ଗୁରୁତ୍ୱପୂର୍ଣ୍ଣ ସତ ବୋଲି ଧରିନେବାକୁ ହେବ । ଜିଲ୍ଲାର ସମସ୍ତ ଉତ୍ସରୁ ସାମୟିକ ଆୟ ଆକଳନ କରିବା ଦ୍ୱାରା ବିଭିନ୍ନ ଜିଲ୍ଲାର ଆର୍ଥିକ ଉନ୍ନତିର ସ୍ତର ଜାଣି ହେଉଛି ଏବଂ ଏହାଦ୍ୱାରା ବିଭିନ୍ନ ଉନ୍ନତିମୂଳକ ଯୋଜନା କରିବାପାଇଁ ପ୍ରାଥମିକତାକୁ ବହୁତ ଗୁରୁତ୍ୱ ଦିଆଯାଉଅଛି ।

ଏହାଦ୍ୱାରା ଅନୁନ୍ନତ ଅଞ୍ଚଳର ବିକାଶ ନିମନ୍ତେ ଯୋଜନାକାରୀମାନେ ଉନ୍ନତିମୂଳକ ଯୋଜନାକୁ ପ୍ରାଥମିକତା ଦେଇ ଯୋଜନା ପ୍ରଣୟନ କରିଥାନ୍ତି ।

ମାଲକାନଗିରି ଜିଲ୍ଲାର ଅର୍ଥନୈତିକ ଆକଳନ କରିବା ନିମନ୍ତେ ଅର୍ଥନୀତିକୁ ନିମ୍ନଲିଖିତ ଭାଗରେ ବିଭକ୍ତ କରାଯାଇଅଛି ।

• କୃଷି ଓ ଏହାର ଆନୁସାଙ୍ଗିକ ବିଭାଗ
• ଶିଳ୍ପ ଉଦ୍ୟୋଗ ବିଭାଗ
• ସେବା ସମ୍ବନ୍ଧୀୟ ବିଭାଗ

୨୦୦୪-୦୫ ବର୍ଷକୁ ମୂଳବର୍ଷ ଅନୁସାରେ ନେଇ ମାଲକାନଗିରି ଜିଲ୍ଲାର ବିଭିନ୍ନ ସଂସ୍ଥାର ଆଗତ ମୋଟ ଜାତୀୟ ଉତ୍ପାଦନ ସୂଚକାଙ୍କକୁ ପ୍ରସ୍ତୁତି କରି ନିମ୍ନସାରଣୀରେ ଉପସ୍ଥାପନା କରାଗଲା ।

ସାରଣୀ – ୧

ଲୋକମାନଙ୍କର ମୁଣ୍ଡପିଛା ଆୟ ବ୍ୟତୀତ, ଜିଲ୍ଲାର, ରାଜ୍ୟର ଓ ଦେଶର ଲୋକ ସମୂହର ଉନ୍ନତିର ସୂଚକାଙ୍କ ଜାଣିବାକୁ ହେଲେ, ସେହି ଅଞ୍ଚଳର ଶିକ୍ଷା, ସ୍ୱାସ୍ଥ୍ୟ ଓ ସାମୂହିକ ଆୟର ସୂଚକାଙ୍କ ବହୁତ ଗୁରୁତ୍ୱ ବହନ କରୁଛି ।

ଓଡ଼ିଶା ରାଜ୍ୟର ଲୋକ ସମୂହର ଉନ୍ନତିର ତଥ୍ୟ ୨୦୦୪-୦୫ ବର୍ଷ ଅନୁସାରେ ମାଲକାନଗିରି ଜିଲ୍ଲା ଲୋକସମୂହର ଉନ୍ନତିର ସୂଚକାଙ୍କର ମୂଲ୍ୟ ହେଉଛି ୦.୩୭୦ ଓ ୦.୫୭୯ ମଧ୍ୟରେ ଅଟେ । ଲୋକ ସମୂହର ଉନ୍ନତିର ସୂଚକାଙ୍କ ମଧ୍ୟରୁ ତିନୋଟି ଉପାଂଶ ହେଲେ, ରୋଜଗାର ସୂଚକାଙ୍କ, ସ୍ୱାସ୍ଥ୍ୟ ସୂଚକାଙ୍କ ଓ ଶିକ୍ଷା ସୂଚକାଙ୍କ ବହୁତ ଗୁରୁତ୍ୱପୂର୍ଣ୍ଣ ଅଂଶ ଭାବେ ପରିଗଣିତ ହେଉଛି । ଏଥି ମଧ୍ୟରୁ ରୋଜଗାର ସୂଚକାଙ୍କ ସବୁଠାରୁ ବଡ ଗୁରୁତ୍ୱ ୦.୪୭୯ ବହନ କରୁଥିବା ବେଳେ ସ୍ୱାସ୍ଥ୍ୟ ସୂଚକାଙ୍କ ୦.୧୨୨ ନିମ୍ନ ଗୁରୁତ୍ୱ ବହନ କରୁଛି  ଏବଂ ଶିକ୍ଷା ସୂଚକାଙ୍କ ୦.୪୯୧ ମଧ୍ୟରେ ଅବସ୍ଥାନ କରୁଛି । ୨୦୦୪ ବର୍ଷରେ ଓଡ଼ିଶା ରାଜ୍ୟର ଲୋକସମୂହର ସୂଚକାଙ୍କ ମଧ୍ୟରୁ ମାଲକାନଗିରି ଜିଲ୍ଲାର ସ୍ଥାନ(୩୦) ତିରିଶି ନମ୍ବରରେ ସୂଚାଉଛି ।

ଏହିପରି ଉପରୋକ୍ତ ସାରଣୀ ଦର୍ଶାଉଛି ଯେ ମାଲକାନଗିରି ଜିଲ୍ଲା ଆର୍ଥିକ ଅବସ୍ଥା ମୂଖ୍ୟତଃ ପ୍ରାଥମିକ ବିଭାଗରେ ଯଥା – କୃଷି ଓ ତା’ର ଆନୁସାଙ୍ଗିକ ବିଭାଗ ଯାହାକି ଜିଲ୍ଲାର ଆର୍ଥିକ ସ୍ତର ଶତକଡ଼ା ୪୬.୩୫ ଅଟେ ।